特首柒婆連續10日無公開露面，據報尋日佢匿喺禮賓府閉門會見親中派各界，包括全國政協常委李澤鉅、唐英年、林建岳，以及港區人大代表霍震寰同李君豪等。而對於過百萬市民要求佢問責辭職、徹查6.12衝突、釋放被捕人士等訴求，柒婆一概說不。另外有傳佢喺會面中仲話：「好多人以為我死咗，但我唔會死得去」，又話有中央支持，所以唔會辭職。
打極唔死，生命值同曱甴有得揮喎！睇嚟柒婆唔單止「好打得」，仲好捱得！二百萬對腳行出嚟都踩你唔死！嗱咁喇！學子華話齋，七一你如果可以唔帶保鏢單人匹馬行出金鐘，再執返條命仔行返入禮賓府，本台就支持你終身做特首！